Invocation Slokas from Prakharana Grantha

॥ advaitānubhūtiḥ ॥

Ahamānanda satyādilakṣaṇaḥ kevalaḥ śivaḥ।

Sadānandādi rūpaṃ yattenāhamacalo'dvayaḥ॥1॥

॥ aparokṣānubhūtiḥ ॥

śrīhariṃ paramānandam upadeṣṭāramīśvaram ।

vyāpakaṃ sarvalokānāṃ kāraṇaṃ taṃ namāmyaham ॥ 1॥

॥ upadeśasāhasrī ॥

caitanyaṃ sarvagaṃ sarvaṃ sarvabhūta guhāśayam ।

yat sarva viṣayātītaṃ tasmai sarvavide namaḥ ॥

॥ jīvanmuktānandalaharī ॥

pure paurānpaśyannarayuvatināmākṛtimayān

suveṣānsvarṇālaṅkaraṇakalitāṃścitrasadṛśān ।

svayaṃ sākṣāddṛṣṭetyapi ca kalayaṃstaiḥ saha raman

munirna vyāmohaṃ bhajati gurudīkṣākṣatatamāḥ 

॥ tattvabodhaḥ ॥

vāsudevendrayogīndraṃ natvā jñānapradaṃ gurum ।

mumukṣūṇāṃ hitārthāya tattvabodhobhidhīyate ॥

॥ prabodhasudhākaraḥ ॥

nityānandaikarasaṃ saccinmātraṃ svayaṃjyotiḥ ।

puruṣottamamajamīśaṃ vande śrīyādavādhīśam

॥ prauḍhānubhūtiḥ ॥

prauḍhaprauḍhanijānubhūtigalitadvaitendrajālo guru-

rgūḍhaṃ gūḍhamaghaughaduṣṭakudhiyāṃ spaṣṭaṃ sudhīśālinām ।

svānte samyagihānubhūtamapi sacchiśiṣyāvabodhāya ta-

tsatyaṃ saṃsmṛtavānsamastajagatāṃ naijaṃ nijālokanāt ॥ 1॥

॥ vivekacūḍāmaṇiḥ ॥

sarvavedāntasiddhāntagocaraṃ tamagocaram ।

govindaṃ paramānandaṃ sadguruṃ praṇato'smyaham ॥ 1॥

॥ sadācārānusandhānam ॥

saccidānandakandāya jagadaṅkurahetave ।

sadoditāya pūrṇāya namo'nantāya viṣṇave ॥ 1॥

॥ sarvavedāntasiddhāntasārasaṅgrahaḥ ॥

akhaṇḍānanda sambodho vandanādyasya jāyate ।

govindaṃ tamahaṃ vande cidānandatanuṃ gurum ॥ 1॥